Grænmetislasagna að hætti Unu
Hérna kemur hollt & bragðgott grænmetislasagna- mér finnst upplagt að skella í slíkt þegar ég þarf að taka til í ísskápnum og vinna með það sem til er. Endilega nýtið það grænmeti sem til er hverju sinni.
55 mín
4
skammtar
6.070 kr.
Setja í körfu
Hráefni
6.070 kr.
Setja í körfu
Uppskrift
Hráefni
- 1 stk laukur saxaður
- 1 stk Kúrbítur
- 5-6 stk gulrætur sneiddar
- 200gr sveppir sneiddir
- 150gr Brokkolí
- 3 stk hvítlauksrif
- 400gr Tómatar niðursoðnir ( saxaðir)
- 100gr Tómatpúrra
- 2stk grænmetisteningar
- 500gr Kotasæla
- Lasagna pastaplötur
- Rifinn ostur
- Byrjið á að hita ofninn við 180 gráður.
- Saxið niður lauk smátt, kúrbít í bita og sneiðið niður gulrætur & sveppi.
- Léttsteikið laukinn, kúrbítinn, gulræturnar og sveppina í ólívuolíu á pönnu og kryddið með salti, pipar og því kryddi sem þið kunnið að meta best.
- Þá næst er það að bæta niðursoðnum tómötum, tómatpúrru, 2 dl af vatni og grænmetisteningum á pönnuna og látið sjóða í um 20 mínútur.
- Á meðan þetta er að malla, er brokkolí skorið í bita og léttsoðið.
- Bætið því á pönnuna í lokin og leyfið að malla með hinu í um 5-10 mínútur.
- Smyrjið eldfast mót og setjið grænmetissósu í botninn, þá lasagnaplötur, kotasælu, aftur grænmetissósu og svo koll af kolli.
- Endið á að strá vel af rifnum osti yfir.
- Bakið við 180° í um 30 mínútur.
Leiðbeiningar
Aðferð: