Þótt Sveinbjörn Þór fari daglega í sund er alltaf svitalykt af honum og þótt mamma hans sé dáin er eins og hún viti ekki almennilega af því enn.

Þótt Emma sé falleg og gáfuð er hún bæði litblind og lífsleið og þótt vinnufélagi hennar Birna Eygló sé ósköp litlaus og leiðinleg stendur hún í æsilegu ástarsambandi við Rúnar bókaútgefanda sem fyrirlítur alla nema Óla pulsu sem lifir fyrir næstu máltíð.

Smásagnasafnið Klór (2000) er fyrsta bók Þorsteins Guðmundssonar sem hefur skrifað leikrit fyrir leiksvið og útvarp og er einn þeirra sem skrifaði og lék í sjónvarpsþáttunum Fóstbræðrum.

• Höfundur: Þorsteinn Guðmundsson
• Útgáfuár: 2000
• Blaðsíður: 149
• Kilja