Fyrir 8
25 mín
Uppskriftin að kökudeiginu er frekar stór og mæli ég með því að þið frystið afganginn og gera aftur ís seinna, en einnig er gott að borða deigið með kaffinu sem dæmi. Svo er auðvitað hægt að tvöfalda uppskriftina af ísnum og gera tvo ísa.
Hráefni
Kökudeig
- 180 gr hveiti
- 115 gr smjör
- 100 gr púðursykur
- 90 gr strásykur
- 2 msk rjómi
- 2 tsk vanilludropar
- 1/2 tsk salt
- 70 gr súkkulaðidropar
Ísinn
- 150 gr sykur
- 1 tsk vanilludropar
- 500 ml þeyttur rjómi
- 6 msk súkkulaðidropar
- 8 stk eggjarauður
Aðferð
Kökudeig
- Hitið ofninn á 175 C°blástur og bakið hveitið í 10 mín á bökunarplötu með bökunarpappír á
- Hrærið saman sykur og smjör í hrærivél þar til orðið vel blandað saman
- Takið svo hveitið úr ofninum og leggið til hliðar til að kæla
- Blandið svo rjóma og vanillu út í smörsykurinn og hrærið áfram þar til létt og ljóst
- Þegar hveitið hefur kólnað bætið því þá út í og hrærið allt vel saman í hrærivél
- Bætið síðast súkkulaðidropum út í og hrærið létt saman aftur
- Rúllið upp í mjóar lengjur og skerið í litla bita, gott er að setja svo beint í ísskáp meðan ísinn er gerður
- Hægt er að geyma svo afgangsdeig allt upp í 6 mánuði í fyrsti en það er líka gott eitt og sér með kaffinu
Ísinn
- Þeytið eggjarauðurnar, vanilludropana og sykur vel saman þar til blandan er létt og ljós
- Þeytið rjómann sér
- Blandið svo eggjablöndunni og rjómanum varlega saman með sleikju
- Setjið svo 1/3 af ísnum í mót og dreifið svo kökudeigi og súkkulaði dropum yfir
- Setjið svo aftur sama magn í formið og endurtakið með deigið og súkkulaðið
- Setjið svo restina af ísnum í mótið og dreifið deigi og súkkulaði aftur yfir
- Setjið svo í frystir í lágmark 8 klst best yfir nótt
Kökudeigið er frekar stór uppskrift og mæli ég með því að þið frystið afganginn til að gera aftur ís seinna, en einnig er gott að borða deigið með kaffinu sem dæmi. Svo er auðvitað hægt að tvöfalda uppskriftina af ísnum og gera tvo ísa.