Þetta er nú eitthvað fyrir ketófólkið sem saknar þess að fá sér franskar.
Einfaldar og fljótlegar ostafranskar sem henta vel sem forréttur í matarboðið eða bara einar og sér þegar mann langar í eitthvað djúsí án kolvetna.
Hráefni
- 1 stk. Grillostur frá Gott í matinn
- olía, t.d. avocado eða ólífuolía
- 4 tsk. paprikukrydd
Sósa
- 4 msk. sýrður rjómi 36% frá Gott í matinn
- 2 msk. trufflu aioli eða annað aioli
- 8 stk. jalapeno sneiðar í krukku
Aðferð
- Skerið grillostinn niður í hæfilegar sneiðar og kryddið örlítið með paprikukryddi.
- Steikið á pönnu á miðlungshita með olíu þar til osturinn er orðinn fallega gylltur.
- Blandið saman 36% sýrðum rjóma, truffli aioli og niðurskornu jalapeno sneiðunum.
Eftir Hönnu Þóru Helgadóttur