Hér er á ferðinni, að okkar mati, besta kjúklingasalat sem við höfum komist í tæri við. Hunangsdressingin tekur það í aðra vídd sem parast einstaklega vel með ferskum ávöxtunum og grænmetinu.
Hráefni
- 3-4 kjúklingabringur
- RED (Hardcore Carnivore)
- Romain salat
- 2 Avocado
- 10 Jarðaber
- 10 Kirsuberjatómatar
- 1 Mangó
- ½ Rauðlaukur
- Kóríander
- Graskersfræ
Dressing
- ½ bolli ólifuolía
- 2 tsk dijon
- 3 tsk hunang
- 2 stk hvítlauksgeirar
- 3 msk epla edik
Aðferð
- Leggið kjúklingabringurnar í poka ásamt ólífu olíu, lokið pokanum og nuddið olíunni svo allur kjúklingurinn sé umvafinn olíu. Næst opnið þið pokann og kryddið yfir með RED kryddinu og nuddið kryddinu svo allar bringurnar séu orðnar rauðar
- Kveikið á grillinu og skrúfið uppí miðlungshita
- Leggið kjúklinginn á teinana og snúið reglulega þar til kjarnhiti er orðinn 70°C
- Á meðan kjúklingurinn er á grillinu er tilvalið að skera alla ávexti og grænmetið niður og raða í skál
- Þegar kjúklingurinn hefur náð kjarnhita 70°er mikilvægt að leyfa honum að hvíla í um 5-7 mínútur áður en hann er skorinn
Dresssing
- Bandið öllu saman og kreistið hvítlaukinn útí.