Ég prófaði að skella í fiskborgara og viti menn - hann sló heldur betur í gegn, æðislega ferskur og góður. Fiskurinn er stökkur að utan og mjúkur og að innan.
Fiskurinn er borinn fram í brioche hamborgarabrauði með æðislegri rjómaostasósu.
Hráefni
Rjómaostasósa
- 200 g rjómaostur með graslauk og lauk
- 1⁄4 stk. sítróna, safinn
- 2 stk. hvítlauksrif, pressuð
- salt og pipar
Fiskiborgari
- 4 bitar þorskur um (200 g hver), má líka nota ýsu
- 2 stk. egg (pískuð saman)
- 1 bolli brauðraspur
- 4 stk. brioche hamborgarabrauð
- 1⁄2 bolli hveiti
- 1 tsk. paprikukrydd
- 1⁄2 tsk. cayanne pipar
- 1 stk. rauðlaukur, fínt skorinn
- salatblöð
- sítróna
- salt og pipar
Aðferð
Rjómaostasósa
- Öllu hrært saman.
- Það er fínt að byrja á því að gera sósuna og leyfa því að standa aðeins.
Stökkur fiskiborgari
- Hitið ofninn í 200 gráður blástur.
- Hitið vel af olíu á pönnu við miðlungs hita. Olían þarf að ná eins og 1/2 cm upp í pönnuna.
- Setjið egg, brauðrasp og hveiti allt í sitthvora skálina og bætið kryddunum út í hveitið.
- Fiskunum er þá velt upp úr hveitinu, dýpt í eggin og síðast velt upp úr brauðraspinum.
- Fiskurinn er steikur á sitthvorri hliðinni í 3 mínútur þar til kröstið er orðið brúnleitt. Þá er fiskurinn færður inn i ofn í 5 mínútur.
- Þegar 1-2 mínutur eru eftir þá eru brauðin sett inn og hituð.
- Um leið og fiskurinn kemur úr ofninum er sítrónusafi kreistur yfir.
- Rjómaostasósunni er smurt inn í bæði brauðin áður en fiskurinn, salatið og rauðlaukurinn fer á.
Eftir Gígja S. Guðjónsdóttir