Ef þú villt komast í sumarskap þá er óhætt að mæla með þessum æðislega sumarlega hamborgara beint á grillið.
Hamborgarasósan er eins og sósan sem þið fáið á Shake Shack hamborgarastaðnum ef þið þekkið hann - þið verðið ekki fyrir vonbrigðum. Hún er æðisleg með borgaranum og kartöflunum.
Hráefni
Hamborgarar
- 4 stk. hamborgarabrauð
- 4 stk. stórir hamborgarar
- 4 stk. sneiðar ananas
- Óðals Cheddar í sneiðum
- salatblöð
- salt og pipar
- rauðlaukur
Grillsósa
- 200 g hreinn rjómaostur frá Gott í matinn
- 3 msk. tómatsósa
- 2 msk. gult sinnep
- 2 msk. fín skornar súrar gúrkur
- 1⁄2 tsk. hvítlaukssalt
- 1⁄2 tsk. cayenne pipar
Kartöflur
- 3 stk. meðalstórar grillkartöflur
- olía
- salt og pipar
- timjan
Aðferð
Hamborgarar
- Mótið hamborgara í höndunum eða með hamborgarapressu.
- Hamborgararnir eru kryddaðir og fara á grillið á sama tíma og ananas sneiðarnar.
- Hamborgarinn er grillaður í um 5-7 mínútur á hvorri hlið og ananasinn í sambærilegan tíma. Ananasinn er tilbúinn þegar hann hefur tekið lit.
Grillsósa
- Gúrkurnar skornar smátt.
- Öllu hrært vel saman.
- Fínt að láta standa í nokkra klukkutíma í ísskáp.
Kartöflur
- Kartöflurnar eru skornar langsum í stærð eins og stóarar franskar.
- Þær eru settar í kalt vatn í um 30 mínútur.
- Næst eru þær þerraðar vel og velt upp úr olíu, salti og pipar.
- Kartöflurnar eru settar í álbakka og grillaðar í um 15 mínútur.
Eftir Gígju S. Guðjónsdóttur