Hver elskar ekki franskar súkkulaðikökur? En frönsk súkkulaðikaka sem inniheldur einungis tvö hráefni. Er það að selja?
Hráefni
- 3 egg
- 180 g suðusúkkulaði, ef þið viljið hafa kökuna án sykurs þá hafið þið að sjálfsögðu sykurlaust súkkulaði. Ég nota suðusúkkulaði.
Aðferð
- Aðskiljið eggjahvítur og eggjarauður í sitthvora skálina.
- Stífþeytið eggjahvíturnar þar til þær eru orðnar þéttar í sér 5-10 mín.
- Á meðan bræðið súkkulaðið yfir vatnsbaði. Kælið lítillega.
- Bætið eggjarauðunum saman við súkkulaðið og hrærið saman.
- Setjið blönduna smátt og smátt saman við eggjahvíturnar og blandið varlega saman með sleif.
- Látið smjörpappír í 15cm form og hellið deiginu þar í.
- Setjið í 170°c heitan ofn í 30 mínútur. Takið úr ofni og kælið.
- Stráið flórsykri yfir kökuna og berið fram með rjóma.
Njótið, Berglind