Pastarétturinn er ofur einfaldur í gerð og svo góður að þið sláið í gegn með þennan og það áreynslulaust.
Hráefni
- 600-700 g risarækjur, eða annar skelfiskur, hörpuskel, humar eða kræklingur
- 400-500 g pasta, t.d. tagliatelle
- 1 dós saxaðir tómatar í dós
- 1 rauðlaukar, skorinn í fína strimla
- 4 hvítlauksgeirar, maukaðir
- 2 msk rautt eða grænt pestó, td. frá Filippo Berio
- 1 msk rifinn parmesanostur
- 2 dl hvítvín
- safi úr 1/2 sítrónu
- 2 msk söxuð steinselja
- 1 rauður chili, fínt saxaður (má sleppa)
- svartur pipar
- salt eftir smekk
Aðferð
- Setjið hvítlauk og lauk á pönnu með jómfrúarolíu og mýkja.
- Tómötum, hvítvíni, pestó og parmesanosti bætt við, piprað vel og soðið í ca. 2 mínútur.
- 1/2 sítróna kreist yfir.
- Sett til hliðar. (Það er hægt að geyma þetta í marga klukkutíma).
- Pasta soðið og skelfiskur steiktur við góðan hita með smá ólífuolíu, t.d. risarækjur (með/án skel), hörpuskel, humar eða kræklingur.
- Þegar pastað er tilbúið er öllu blandað saman.
- Steinselju og chili stráð yfir að lokum.
- Borið fram með auka parmesan og hvítlauksbrauði.
- Hægt er bæta við grænmeti, t.d. kúrbít eða papriku, eða nota aðrar kryddjurtir.
Úlala, verði ykkur að góðu,
Berglind