Ekki bara fallegt, heldur líka ó svo gómsætt.
Hráefni
- 4 kjúklingabringur
- salt og pipar
- 1 dl hunang eða agavesíróp
- 3 msk sesamfræ
- 2 pokar klettasalat, eða vel af öðru góðu salati
- 1 askja kirsuberjatómatar, skornir í tvennt
- 1 mangó, skorið í bita
- 2-3 avacadó, skorin í litla mita
- 3 kiwi, skorin í litla bita
- Nachosflögur, muldar
Hvítlauks- og engiferdressing
- 1 dl extra virgin ólífuolía
- 1-2 hvítlauksrif, pressuð
- 1-2 msk ferskur engifer, rifinn
- ½ kjúklingateningur
- 2 msk fersk steinselja, söxuð
- Salt og pipar
Aðferð
- Skerið kjúklingabringurnar í munnbita.
- Hitið olíu á pönnu og fullsteikið kjúklinginn. Bætið hunangi/sírópi og sesamfræjum saman við og látið malla í smá stund eða þar til kjúklingurinn hefur fengið á sig gylltan lit.
- Setjið salatið í skál og látið tómata, mangó, avacadó og kiwi saman við.
- Útbúið því næst dressinguna. Látið ólífuolíu í skál og setjið pressaðan hvítlauk, fínrífið engifer og saxaða steinselju saman við. Smakkið til með salti og pipar og meiri hvítlauk eða engifer eftir smekk. Setjið yfir salatið og endið á að mylja nachosflögur yfir allt.
Njótið af bestu lyst,
Berglind