Þetta pasta salat er með því einfaldara sem hægt er að smella saman en á sama tíma algjört sælgæti og fullt af hollustu.
Það er hægt að bera það fram bæði heitt og kalt, allt eftir því hvað hentar betur. Það er því hægt að gera þetta salat með góðum fyrirvara, til dæmis ef lítill tími er til þess að elda um kvöldið.
Það er mjög sniðugt að gera stóran skammt af þessu salati og eiga afgang í hádeginu daginn eftir, því það er jafnvel betra daginn eftir.
Hráefni
- Tvær foreldaðar kjúklingabringur
- 250 g heilhveiti pasta skrúfur
- 190 g (ein krukka) grænt pestó frá Filippo Berio
- Safi úr ½ sítrónu
- 300 g aspas
- 1 lítill brokkolí haus
- 45 g furuhnetur
- Parmesan ostur
- Ferskt basil (ekki nauðsynlegt)
- Toscano PGI Filippo Berio extra virgin ólífu olía
Aðferð
- Kveikið á ofninum, stillið á 200ºC. Skerið brokkolíið niður í bita og raðið á ofnplötu ásamt aspasnum, setjið ólífu olíu yfir ásamt salt og pipar. Bakið í 20 mín í ofninum eða þar til grænmetið er bakað í gegn.
- Sjóðið pastað samkvæmt leiðbeiningum á umbúðum.
- Skerið kjúlingabringurnar niður í bita, setjið út á pastað ásamt pestóinu, parmesanosti og sítrónusafa.
- Setjið bakaða grænmetið út á pastað og raðið á fallegt fat. Dreifið fururhnetum yfir, parmesan osti og fersku basil.
Munið að afgangur af þessu salati er frábært nesti daginn eftir.
Kveðja,
Linda Ben
Hér er umfjöllun um réttinn á lindaben.is