Gómsætt og grillað frá Gott í matinn. Uppskriftin er aðalréttur fyrir einn eða smáréttur fyrir tvo.
Hráefni í eins pizzu
- 1 tilbúið pizzadeig
- 1 Dala Kastali, skorinn í litla bita
- 3 dl Óðals Búri, rifinn
- 2 ferskar apríkósur, skornar í sneiðar (líka gott að nota ferskjur eða nektarínur)
- 1 góð handfylli ferskt basil og/eða klettasalat
Chilismjör:
- 50 g smjör
- 2 tsk chillimauk eða 1 saxaður ferskur chillipipar (minna ef þið viljið ekki sterkt smjör)
- 1 hvítlauksrif, smátt saxað
- 2 msk fersk steinselja
- Smá sjávarsalt
Aðferð
- Fletjið pizzadeigið út þannig að pizzan sé dálítið þykk, (svipuð og naanbrauð).
- Penslið chillismjöri báðum megin.
- Hitið grill við meðalhita og leggið pizzadeigið beint á grillið.
- Þegar þið sjáið loftbólur myndast á yfirborðinu snúið þá við.
- Dreifið báðum ostum vel yfir pizzuna og lokið grillinu þar til osturinn er bráðnaður og pizzubotninn alveg bakaður í gegn.
- Toppið með apríkósum og fersku basil eða klettasalati og berið fram strax.
Chilismjör
- Setjið allt saman í pott og hrærið þar til smjörið er bráðnað.
Eftir Helenu Gunnarsdóttur