Gerðu þitt eigið hnetusmjör án viðbæts sykurs eða óhollrar olíu. Uppskriftin er fengin úr Vegan eldhúsi grænkerans.
Uppskriftin gefur um 500 g af hnetusmjöri.
Hráefni
- 500 g hráar hnetur, t.d. jarðhnetur, kasjúhnetur, möndlur eða goðahnetur (macadamia nuts)
- 1 msk. olía
- Sjávarsalt eða Himalajasalt eftir smekk (má sleppa)
- 1-2 msk agavesíróp (má sleppa)
Aðferð
- Forhitið ofninn í í 180°C (160°C blástursofn).
- Dreifið úr hnetunum á stórri bökunarplötu og ristið í 10-15 mínútur þar til þær eru gullnar og ilmandi. Takið þær út úr ofninum og látið þær kólna.
- Setjið kaldar hneturnar í matvinnsluvél þar til þær eru grófar og kornóttar. Takið frá 3-4 matskeiðar ef þið viljið fá kornótt hnetusmjör.
- Látið vélina ganga meðan þið bætið olíunni smátt og smátt út í, hættið öðru hverju og skrapið niður hliðar matvinnsluvélarinnar, haldið svo áfram þar til hneturnar losa út eigin olíu og þið eruð búin að fá rakt mjúkt mauk. Þetta getur tekið um 10-15 mínútur. Hrærið út í þetta grófmöluðu hnetunum ef þið tókuð þær út áður ásamt salti og agave eftir smekk (ef þið viljið nota það).
- Setjið hnetusmjörið í sótthreinsaða 500 g krukku með skrúfuðu loki eða smelltu og geymið í ísskáp í allt að tvo mánuði.
Uppskriftin er úr bókinni Vegan eldhús grænkerans.