Guðrún Sóley birtir þessa uppskrift í Grænkerakrásum sem er full af gómsætum vegankrásum. Sveppir eru eitt af eftirlætis hráefnum Guðrúnar.
Hráefni
- 1 saxaður laukir
- 2 teningar grænmetiskraftur uppleystir í 14 dl af vatni
- 1 msk ólífuolía
- 1 tsk hvítvínsedik (ef vill)
- 400 g blandaðir niðurskornir sveppir
- 300 g rísottohrísgrjón (arborio)
- 1/2 sítróna
- 2 kúfaðar msk vegan smjör (eða sama magn af ólífuolíu)
- Vegan parmesan ostur
- Salt og pipar
Til skreytingar:
- Steinselja, fersk
- Rifinn vegan parmesan ostur
Aðferð
- Leysi grænmetisteninga upp í soðnu vatni og látið til hliðar.
- Hitið olíu í potti, bætið lauknum út í og brúnið hann við meðalhita í nokkrar mínútur. Bætið síðan við sveppunum, veltið þeim í nokkrar mínútur og setjið lokið á pottinn.
- Takið lokið af pottinum eftir um það bil 5 mínútur, þegar sveppirnir hafa losað drjúgan vökva. Hellið þá hrísgrjónum í pottinn.
- Bætið síðan 7 dl af grænmetiskrafti út í og hrærið vel með hægum en jöfnum takti.
- Setjið lokið aftur á og leyfið þessu að malla í 15-20 mínútur. Má hræra í af og til.
- Bætið síðan 3 1/2 dl af soði út í til viðbótar, brærið 1 msk af smjöri út í, lokið og leyfið að malla, nú í 10 mínútur.
- Setjið að lokum síðustu 3 1/2 dl af soði út í, hrærið vel og lokið í síðustu 5-10 mínúturnar.
- Opnið, kreistið safann úr einni sítrónu yfir og hrærið. Að lokum fer restin af smjörinu og drjúgur skammtur af rifnum parmesanosti saman við , hrærið vel.
- Saltið og piprið eftir smekk.
- Berið fram með rifnum vegan parmesan osti og steinselja.
Eftir Guðrúnu Sóley