Guðrún Sóley birtir þessa majó uppskrift í Grænkerakrásum sem er full af gómsætum vegankrásum. Majónesið er að mati Guðrúnar svolítið kraftaverk sem gefur fyrirmyndinni ekkert eftir!
Hráefni
- 3 msk kjúklingabaunasafi (úr dós með kjúklingabaunum)
- 2 1/2 dl repju- eða sólblómaolía
- 1 tsk sítrónusafi
- 2 tsk dijonsinnep
- 1 tsk eplaedik
- Klípa af næringargeri (Engevita ger flögur)
- 2 hvítlauksgeirar
- 1 tsk sjávarsalt
- 1/2 tsk malaður svartur pipar
Aðferð
- Blandið öllum innihaldsefnum nema olíu saman í ílát með töfrasprota eða á mesta hraða í hrærivél.
- Blandið olíunni hægt og stöðug saman við í mjórri bunu á meðan þið þeytið.
- Haldið áfram þangað til blandan er loftkennd og þykk.
Eftir Guðrúnu Sóley