Einstaklega bragðgóður pastaréttur sem er veisla fyrir bragðlaukana.
Hráefni - fyrir fjóra
- 500 g Risarækjur
- 400 g pasta (spagettí eða tagliatelle)
- 1 msk olía
- 6 hvítlauksrif
- 2 msk ósaltað smjör
- Salt og pipar
- 1⁄2 bolli hvítvín (seljum ekki á Heimkaup.is)
- 1 1⁄2 bolli rjómi eða matreiðslurjómi frá Gott í matinn
- 1⁄2 rifinn parmesanostur
- Smátt söxuð steinselja
Aðferð
- Pastað er soðið í potti eftir leiðbeiningum á pakkanum.
- Olía er hituð á pönnu og rækjurnar steiktar ásamt salti og pipar í um 2 mínútur á hvorri hlið eða þar til þær eru orðnar bleikar, þá eru þær teknar af pönnunni.
- Í olíuna fer smjörið og hvítlaukurinn og látið málla í smá stund á vægum hita.
- Næst fer rjóminn og hvítvínið á pönnuna og suða látin koma upp.
- Þegar suðan er komin upp er rifnum parmesan osti bætt út í.
- Þegar rjóminn hefur þykknað aðeins þá er rækjunum bætt aftur út á pönnuna og steinselju stráð yfir ásamt salti og pipar eftir smekk.
- Í lokinn er pastað sett á diska, rjóma og rækjublandan er sett yfir pastað.
- Einnig er fallegt að skreyta diskinn með steinselju og meiri parmesanosti.
Eftir Gígju S. Guðjónsdóttur