Einfaldur pastaréttur sem æsir bragðlaukana. Það fer enginn svangur frá matarborðinu í kvöld!
Hráefni:
- 1 pakki beikonkurl
- 4 stk hvítlaukslauf
- 2 stk laukar
- 40 gr klettasalat
- 250 ml rjómi
- 250 ml vatn
- 400 gr spagettí
- 1 krukka pestó (u.þ.b. 190 gr)
- 125 gr rjómaostur
Þarf að vera til heima: olía og salt.
Leiðbeiningar:
- Hitið vatn, saltið og sjóðið spagettíið í 7 mín.
- Skerið laukinn smátt og saxið hvítlaukinn.
- Hitið stóra pönnu (eða stóran pott) og steikið beikonið í u.þ.b 6 mín
- Bætið lauk og hvítlauk við og steikið í 2 mín til viðbótar.
- Lækkið hitann undir pönnunni.
- Hitið rjómann í potti upp að suðumarki.
- Takið frá hálfan bolla (125 ml) af vatninu sem spagettíið sauð í. Hellið restinni af vatninu.
- Bætið pestóinu, rjómaostinum og pasta saman við rjómann og hitið.
- Hellið öllu úr pottinum á stóru pönnuna með beikoninu og lauknum. Látið sjóða og hrærið rólega þangað til rjóminn hefur þykknað.
- Setjið spagettíið nú á pönnuna og loks klettasalatið. Hrærið varlega.
- Ef pannan er ekki nógu stór er tilvalið að nota pott.
- Berið fram í skál eða í pönnunni/potti.
Verði ykkur að góðu!