Batman: Arkham Knight rekur endahnútinn á epískan og margverðlaunaðan Arkham-þríleik Rocksteady Studios. Leikurinn er þróaður sérstaklega fyrir nýjustu kynslóð leikjatölva og kynnir til leiks einstaka hönnun Rocksteady á Leðurblökubílnum. Þessi goðsagnakenndi kaggi er stórkostleg viðbót við Arkham-leikjaheiminn, sem hlotið hefur einstakar viðtökur. Nú er hægt að skella sér í hlutverk Leðurblökumannsins og þeysa um göturnar eða svífa á milli húsþaka Gotham-borgar. Í þessum svakalega lokakafla mætir Leðurblökumaðurinn helstu ógn borgarinnar sem hann hefur svarið að vernda, þegar Fuglahræðan snýr aftur til að reyna að sameina ofurillmenni borgarinnar og murka lífið úr Leðurblökumanninn í eitt skipti fyrir öll.

SPILUN

Verið Leðurblökumaðurinn: Upplifið Leðurblökuman­nshlutverkið til fulls í síðasta kafla Arkham-þríleiksins frá Rocksteady. Hlutverk færasta glæparannsóknamanns heims öðlast nýjar víddir með Leðurblökubílnum og viðbótum við þekkta þætti úr fyrri leikjunum, hvort sem um ræðir frjálst flæði í bardaga, laumuspil eða rannsóknir.

Leðurblökubíllinn kynntur til sögunnar: Lífi er blásið í Leðurblökubílinn með splunkunýrri og frumlegri hönnun með hátæknilegum stillingum og útbúnaði. Hægt er að aka bílnum um allan leikjaheiminn og breyta honum úr hraðskreiðu tryllitæki í hálfgerða stríðsmaskínu. Þessi víðfrægi bíll er í raun hjarta leikjahönnunarinnar og gerir spilurum kleift að þeysa um göturnar á ótrúlegum hraða til að elta uppi hættulegustu óþokka Gotham-borgar. Bíllinn tekur líka mið af þekktustu eiginleikum Leðurblökumannsins, hvort sem spilarar þurfa að berjast eða leysa gátur, en þannig tókst að skapa ósvikna og óaðfinnanlega tengingu manns og vélar.

Epísk endalok Arkham-þríleiksins: Í leiknum brýst út allsherjarstríð í Gotham-borg. Átökin úr Batman: Arkham Asylum, sem þróuðust út í samsærið gegn vistmönnum í Batman: Arkham City, leiða til lokauppgjörs um framtíð Gotham-borgar. Örlög borgarinnar hanga á bláþræði og eru í höndum Fuglahræðunnar sem fær Arkham-riddarann til liðs við sig, en hann er ný persóna í heimi Leðurblökumannsins. Auk þess mæta til leiks margir illræmdir óþokkar eins og Harley Quinn, Mörgæsin, Tvífés og Gátumeistarinn.

Skoðið Gotham-borg í heild sinni: Í fyrsta sinn geta spilarar kannað Gotham-borg í heild sinni í opnum leikjaheimi. Svæðið er rúmlega fimm sinnum stærra en í Batman: Arkham City og hugsað hefur verið um hvert einasta smáatriði af sömu natni og í hinum leikjunum tveim.

Hliðarverkefni um eftirlýsta glæpamenn: Spilarar geta stungið sér á kaf í óreiðuna sem skapast á götum borgarinnar. Ekki er hægt að komast hjá því að mæta frægum glæpasnillingum, en auk þess er hægt að einbeita sér að óþekktari óþokkum, eða beinlínis fylgja kjarnasöguþræðinum.

Nýjungar í bardaga og tækjakosti: Nú standa spilurum til boða fleiri bardagahreyfingar og hátæknitól en nokkru sinni áður. Nú getur Leðurblökumaðurinn beitt ýmsum útbúnaði á meðan hann svífur um og verkfærabeltið hans hefur aftur verið endurbætt til að rúma fleiri tæki og tól til að rannsaka, laumast eða berjast.