Nýi Retina skjárinn er stærri og bjartari en í fyrri gerð. Þannig sjást enn meiri upplýsingar en áður. Samt er úrið aðeins um 1mm breiðara en áður. Öflugur S7 tveggja-kjarna 64-bita örgjörvi tryggir að allar aðgerðir eru eldsnöggar. Með innbyggðu GPS, áttavita og sívirkum hæðarmæli fylgist það með hraða, vegalengd, hækkun og staðsetningu af mikilli nákvæmni. Úrið getur látið neyðarlínu eða aðstandendur vita hvort notandinn hafi dottið.

Öll Apple Watch úrin ýta við þér með léttri snertingu - minna þig á að sitja minna, standa upp og hreyfa þig reglulega. Nákvæmur hjartsláttarmælir tekur ekki bara púlsinn og varar þig við óvenjulegum frávikum, heldur getur hann nú líka mælt súrefnismettun blóðsins og tekið hjartalínurit.

Allt eru þetta eiginleikar sem geta skipt sköpum fyrir fólk sem vill fylgjast vel með heilsunni. Apple Watch er líka framlenging á upplýsingum úr iPhone símanum þínum: - þú svarar símtölum og hringir handfrjálst. Einnig býr hátalarinn í úrinu nú yfir enn meiri styrk - þú færð skilaboð, tölvupóst og tilkynningar að eigin vali, stjórnar tónlistinni, tekur mynd á símann og margt fleira sem þig óraði ekki fyrir.